ကလံၤဖၠးအဂ့ၢ်တၢ်အိၣ်ယၢၤတဖၣ် လၢကညီကျိာ်
အိၣ်ခိးတဂ့ၤ. ကိး 911 တက့ၢ်
တၢ်ကိးလီတဲစိဆူ 911 မ့ၢ်ထဲကျဲတဘိလၢ ကန့ၢ်ဘၣ်တၢ်မၤစၢၤအဆိအချံ ဖဲကလံၤဖၠးကဲထီၣ်အခါန့ၣ်လီၤ. နတလိၣ်ကတိၤအဲကလံးကျိာ်ဘၣ်. တဲဒၣ်ထဲ “Karen” ဒီးပှၤတဲကျိာ်ထံတၢ်တဂၤ ကမၤစၢၤနၤန့ၣ်လီၤ.
ကလံၤဖၠးန့ၣ်မ့ၢ်မနုၤလဲၣ်.
ကလံၤဖၠး, မ့တမ့ၢ် “ခိၣ်နူာ်အတၢ်ဘၣ်ဒိ” ကဲထီၣ်ဖဲ သွံၣ်အတၢ်လဲၤဆူခိၣ်နူာ် ပတုာ်အခါန့ၣ်လီၤ. တၢ်အံၤကဲထီၣ်သ့ ဖဲသွံၣ်ကျိၤပူၤတၢ်သိးတံာ်အသး (ကလံၤဖၠးခီဖျိသွံၣ်ပူၤတၢ်သိးတံာ်သး) မ့တမ့ၢ် တၢ်ပိၢ်ဖး (ကလံးဖၠးခီဖျိသွံၣ်ကျိၤပိၢ်ဖးအဃိ) အခါန့ၣ်လီၤ. သွံၣ်မ့ၢ်တလဲၤနုာ်ထီဘိန့ၣ် ခိၣ်နူာ်စဲ(လ)တဖၣ် စးထီၣ်သံကွံာ်ချ့ချ့, ဒီးပှၤဝဲန့ၣ်ကတိၤတၢ် မ့တမ့ၢ် ဟူးဂဲၤအနီၢ်ကစၢ်တသ့လၢၤဘၣ်. မ့ၢ်တဃုထံၣ်အီၤ မ့တမ့ၢ် မ့ၢ်တကူစါအီၤန့ၣ် ကလံၤဖၠးအဃိ ပှၤသံသ့န့ၣ်လီၤ.
သ့ၣ်ညါ ကလံၤဖၠးအပနီၣ်တက့ၢ်
ကလံၤဖၠးန့ၣ် ကဲထီၣ်သ့အါစုအါဘျီ လၢတအိၣ်ဒီးတၢ်ဟ့ၣ်ပလီၢ် ဒီးပှၤတတူၢ်ဘၣ်တၢ်ဆါအ့ၣ်ထုး ထီဘိဘၣ်. ဘၣ်ဆၣ် နမ့ၢ်သ့ၣ်ညါတၢ်ပနီၣ်တဖၣ် ဒီးဟံးဂ့ၢ်ဝီအဆိအချ့ ဖဲနထံၣ်အီၤအခါ နအုၣ်ခီၣ်သးသမူတဖၣ်သ့န့ၣ်လီၤ.
နမ့ၢ်ထံၣ်တၢ်ပနီၣ်သၢခံအံၤန့ၣ် တဘၣ်အိၣ်ခိးတဂ့ၤ.
ကိး 911 တဘျီဃီတက့ၢ်.
သတူၢ်ကလာ် မဲာ်သၣ်လီၤစဲၤ
မၢအဝဲသ့ၣ်နံၤကမှံတက့ၢ်. မဲာ်သၣ်တခီန့ၣ် လီၤစဲၤဧါ. ဖျါလၢ တဃူတဃီဘၣ်ဧါ.
တၢ်ကတိၤအသီၣ် တပံာ်တကျါ မ့တမ့ၢ် သီၣ်တရှဲ
မ့ၢ်အဝဲအတၢ်ကတိၤတဖၣ် တပံာ်တကျါဘၣ်ဧါ. မ့ၢ်တၢ်နၢ်ပၢၢ်အတၢ်ကတိၤကီဧါ. မ့ၢ်အဝဲကတိၤတၢ်သ့နီၢ်နီၢ်ဧါ.
စု မ့တမ့ၢ် ခီၣ် တခီ ဂံၢ်ဘါစၢ်
မၢအဝဲသ့ၣ်စိာ်ထီၣ် အစုဒူၣ်ခံခီလၢာ်တက့ၢ်. မ့ၢ်ပှၤတဂၤ လီၤဃံၤဧါ. မ့ၢ်တူၢ်ဘၣ်ဝဲစၢ်လၢ အနီၢ်ကစၢ်တခီဧါ.
ခိးကွၢ်စ့ၢ်ကီး တဆါပနီၣ်တဖၣ်အံၤဒီး မ့ၢ်ဟါမၢ်ကွံာ်ဒၣ်လဲာ် ကိးလီတဲစိဆူ 911 တက့ၢ်. တၢ်ပနီၣ်ဆံးဖိတခါန့ၣ် အခီပညီအိၣ်သ့လၢ ကလံၤဖၠးဖးဒိၣ် ကဟဲဘူးထီၣ်လံန့ၣ်လီၤ.
ကၢၤက့ၤနီၢ်ခိတသ့ မ့တမ့ၢ် သးကဒံကဒါ
ခိၣ်ဆါနးနး သတူၢ်ကလာ်န့ၣ်
သတူၢ်ကလာ် မဲာ်ချံတၢ်ထံၣ် ဆီတလဲ
နမ့ၢ်ထံၣ်ဘၣ် ကလံၤဖၠးအတၢ်ပနီၣ်တဖၣ်အခါ တဘၣ်အိၣ်ခိးတဂ့ၤ. ကိး 911 တက့ၢ်.
တၢ်ကိးလီတဲစိဆူ 911 မ့ၢ်ထဲကျဲတဘိလၢ ကန့ၢ်ဘၣ်တၢ်မၤစၢၤအဆိအချံ ဖဲကလံၤဖၠးကဲထီၣ်အခါန့ၣ်လီၤ. နတလိၣ်ကတိၤအဲကလံးကျိာ်ဘၣ်. တဲဒၣ်ထဲ “Karen” ဒီးပှၤတဲကျိာ်ထံတၢ်တဂၤ ကမၤစၢၤနၤန့ၣ်လီၤ.
တၢ်အိၣ်ယၢၤအပှ့ၤကလီတဖၣ် လၢကဒီသဒၢစၢၤနပှၤတဝၢ
စူးကါ တၢ်ဒီလိးဟံးန့ၢ်အပှ့ၤကလီတဖၣ် လၢလာ်အံၤ ဒ်သိးကဟ့ၣ်နီၤတၢ်ဂ့ၢ်တၢ်ကျိၤ လၢအုၣ်ခီၣ်သးသမူ ဘၣ်ဃးကလံးဖၠးဆူ နဟံၣ်ဖိဃီဖိဒီး တံၤသကိးတဖၣ်တက့ၢ်.
