Cov Ntaub Ntawv Hais Txog Mob Stroke Ua Lus Hmoob
Tsis txhob tos. Hu rau 911.
Kev hu rau 911 yog tib txoj kev kom tau txais kev pab kom sai thaum muaj mob stroke. Koj tsis tas yuav hais Lus As Kiv - tsuas yog hais tias "Hmoob" thiab yuav muaj tus neeg txhais lus pub dawb los pab koj.
Mob stroke yog dab tsi?
Mob stroke, los sis “hlwb nres tsis ua hauj lwm,” tshwm sim thaum cov ntshav ntws mus rau lub hlwb tsis ua hauj lwm. Qhov ntawd tuaj yeem tshwm sim thaum cov hlab ntsha raug txhaws (tus kab mob txoj hlab ntsha hlwb txhaws) los sis tawg (txoj hlab ntsha hlwb tawg). Yog tias lub hlwb muaj ntshav mus yug lub hlwb tsis txaus, cov hlab ntsha hlwb yuav pib tuag sai heev, uas tuaj yeem muaj cov teeb meem tsis zoo mus tas li rau tus neeg lub peev xwm fab kev hais lus los sis txav mus los ntawm lawv lub cev. Yog tias tsis tau kuaj pom los sis tsis kho, mob stroke tuaj yeem ua rau tuag tau.
Paub txog cov cim ntawm tus mob stroke.
Mob stroke feem ntau tuaj yam tsis muaj cim qhia ceeb toom, thiab nws yuav tsis mob tas li. Tab sis yog tias koj paub cov cim qhia thiab nqis tes ua tau sai thaum koj pom nws, koj tuaj yeem cawm tau neeg txoj sia.
Yog tias koj pom muaj peb cov cim no, tsis txhob tos!
Hu 911 kiag tam siv.
Sawv tsis tus los sis tsis meej pem
Lawv puas muaj teeb meem thaum mus kev? Nug seb lawv puas muaj qhov kiv taub hau, thiab saib seb puas muaj qhov zoo li tsis meej pem thiab tsis paub tias lawv nyob rau qhov twg.
Pom kev txawv txav kiag lawm los yog pom tsis tseeb
Nug seb lawv puas muaj qhov uas qhov muag plooj, pom ib yam ua ob yam, lossis tsis pom dab tsi hlo li nyob rau ib sab qhov muag twg lossis ob sab tib si.
Ntsej muag nrwg kiag tam siv
Thov kom lawv luag ntxhi. Ib sab twg puas poob qis? Puas yog nws saib zoo li tsis du?
Tsis tas li ntawd, saib xyuas cov cim qhia no thiab hu rau 911, txawm tias lawv ploj mus lawm los xij. Ib lub cim qhia me tuaj yeem yog cov ciam qhia tau tias mob stroke loj dua uas los yuav txog.
Ib sab caj npab los sis sab ceg tsis muaj zog
Thov kom lawv tsa ob txhais tes. Puas muaj ib tug neeg twg vau? Puas hnov tau tias tsis muaj zog nyob rau hauv ib sab twg?
Kev hais lus tsis meej los sis hais tsis tau lus
Puas yog lawv cov lus hais tsis meej? Puas yog nkag siab lawv nyuaj? Lawv puas hais lus tau txhua yam?
Lub zej zog Hmoob muaj tus mob stroke hauv cov neeg uas muaj hnub nyoog qis dua li lwm cov zej zog kwv yees li 11 xyoos.
Tsis txhob tos. Hu rau 911.
Kev hu rau 911 yog tib txoj kev kom tau txais kev pab kom sai thaum muaj mob stroke. Koj tsis tas yuav hais Lus As Kiv - tsuas yog hais tias “Hmoob” thiab yuav muaj tus neeg txhais lus pub dawb los pab koj.
Cov peev txheej pub dawb los pab tiv thaiv koj lub zej zog
Siv cov ntaub ntawv rub tawm dawb hauv qab no los qhia cov ntaub ntawv tseem ceeb txog kev tiv thaiv kab mob stroke rau koj tsev neeg thiab cov phooj ywg.
